2025 – året eg løper etter draumane mine

Hei! Mitt namn er Elisabeth, og eg er 32 år. Eg er mamma. Eg er ein draumar. Eg er sjukepleiar. Og eg brenn for løping, fjell og ein aktiv livsstil. Eg bur i Førde, midt på Vestlandet, omgjeven av majestetiske fjell og spegelblanke fjordar. Eg er forlova med ein mann som jobbar mykje borte. Eg blir aleine med barna, noko som gjer at eg kjenner rollene som mamma, kan vere krevjande.

Men løping har blitt mitt pusterom. Steg for steg finn eg roen, friheita og følelsen av å vere til stades i mitt eige liv. Løping er ikkje berre trening for meg – det er min måte å handtere stress, styrke det psykiske og nyte det fysiske.

Eg elskar jobben min som sjukepleiar, og det å hjelpe menneske har alltid vore ein stor del av meg, men eg ønskjer meir fleksibilitet i kvardagen. Eg ønskjer å skape ein kvardag som gjev meg fridom til å vere til stades for barna når dei treng meg, og å dele kvalitetstid med sambuaren min når han er heime. For livet er meir enn å jage tida – det handlar om å finne balanse, fridom og glede i det vi elskar.

Dette året har lært meg noko viktig: Livet byrjar verkeleg når du tør å løpe ut av komfortsona. Eg har tatt steget for å starte mi eiga nettbaserte bedrift. Dette er mi reise der eg kombinerer mi kjærleik for ein aktiv livsstil med moglegheita som finst i ein nettbasert kvardag.

Men livet er meir enn berre løping og fjell. Eg drøymer òg om å inspirere andre til å finne sin eigen balanse mellom familieliv og ambisjonar.

Eg ønskjer å vise at det er mogleg å leve eit liv der du prioriterer det som betyr mest for deg- om det er tid med familien, lidenskapen for naturen, eller friheita til å jobbe på eigen premissar. Eg delar mi reise for å vise at dette er mogleg, sjølv om det krev mot- kanskje vi kan springe etter draumane saman?